श्रवण Śravaṇa · HearStep 1 of 2

Nāsadīya Sūkta · Ṛgveda 10.129

Sanskrit recitation

All seven verses chanted in Sanskrit. Follow along in Devanāgarī or roman script; tap any word to see its meaning or jump the audio there.

Verse 1 · Neither being nor non-being

नासदासीन्नो सदासीत्तदानीं नासीद्रजो नो व्योमा परो यत् ।

किमावरीवः कुह कस्य शर्मन्नम्भः किमासीद्गहनं गभीरम् ॥

nāsad āsīn no sad āsīt tadānīṃ nāsīd rajo no vyomā paro yat |

kim āvarīvaḥ kuha kasya śarmann ambhaḥ kim āsīd gahanaṃ gabhīram ||

न मृत्युरासीदमृतं न तर्हि न रात्र्या अह्न आसीत्प्रकेतः ।

आनीदवातं स्वधया तदेकं तस्माद्धान्यन्न परः किञ्चनास ॥

na mṛtyur āsīd amṛtaṃ na tarhi na rātryā ahna āsīt praketaḥ |

ānīd avātaṃ svadhayā tad ekaṃ tasmād dhānyan na paraḥ kiṃ canāsa ||

तम आसीत्तमसा गूळ्हमग्रेऽप्रकेतं सलिलं सर्वमा इदम् ।

तुच्छ्येनाभ्वपिहितं यदासीत्तपसस्तन्महिनाजायतैकम् ॥

tama āsīt tamasā gūḷham agre 'praketaṃ salilaṃ sarvam ā idam |

tucchyenābhv apihitaṃ yad āsīt tapasas tan mahinājāyataikam ||

कामस्तदग्रे समवर्तताधि मनसो रेतः प्रथमं यदासीत् ।

सतो बन्धुमसति निरविन्दन्हृदि प्रतीष्या कवयो मनीषा ॥

kāmas tad agre sam avartatādhi manaso retaḥ prathamaṃ yad āsīt |

sato bandhum asati nir avindan hṛdi pratīṣyā kavayo manīṣā ||

तिरश्चीनो विततो रश्मिरेषामधः स्विदासीदुपरि स्विदासीत् ।

रेतोधा आसन्महिमान आसन्त्स्वधा अवस्तात्प्रयतिः परस्तात् ॥

tiraścīno vitato raśmir eṣām adhaḥ svid āsīd upari svid āsīt |

retodhā āsan mahimāna āsan svadhā avastāt prayatiḥ parastāt ||

को अद्धा वेद क इह प्र वोचत्कुत आजाता कुत इयं विसृष्टिः ।

अर्वाग्देवा अस्य विसर्जनेनाथा को वेद यत आबभूव ॥

ko addhā veda ka iha pra vocat kuta ājātā kuta iyaṃ visṛṣṭiḥ |

arvāg devā asya visarjanenāthā ko veda yata ābabhūva ||

इयं विसृष्टिर्यत आबभूव यदि वा दधे यदि वा न ।

यो अस्याध्यक्षः परमे व्योमन्त्सो अङ्ग वेद यदि वा न वेद ॥

iyaṃ visṛṣṭir yata ābabhūva yadi vā dadhe yadi vā na |

yo asyādhyakṣaḥ parame vyoman so aṅga veda yadi vā na veda ||

Tap any word to jump there. Tap a Sanskrit word to see its meaning. Space plays and pauses.